vagiß di net zum schminken
waunst furtgehst, bitte denk daran
sonst kennts passiern, daß irgendwer
dei wohres gsicht erkennen kann
vagiß net, leg die plottn auf
mit sprüchn, die a jeder mog
so glott und sche und guad durchdocht
und daun spüs o den ganzen tog
und waunst an guaden freind begengst
und plötzlich faungt a on zum rern
dazöt er is total am end
dann loß die dadurch jo net störn
loch eam aus und loß eam steh
sog net daß’d di genauso fühst
weu waun amoi die maskn foit
is weg, waunst wieda liagn wüst
ziag nur die teiren sochn an
i hoff für di, daß d’net vagißt
weu nur daun wird kana sehn
wia orm daß du im grunde bist
sei nimois du söba
des is des schlimmste wos gibt
weu nur menschen aus sta
san bei die aundern beliebt
es is a wöt ohne mitleid
ka freier plotz zu vagebn
und nur wer nimois valiert
kann irgendwie überlebn
vagiß di net zum schminken
und hoit di fern vom liacht
sonst kennts passiern, daß irgendwer
die leere in dir siacht ...
|
musik: matthias kempf
text: alexander oberleitner
|
|
